Ózbekstanda avtogaz stantsııalarynyń jumysy ýaqytsha shekteledi
TAShKENT. KAZINFORM – Ózbekstanda barlyq gaz quıý stantsııalarynyń jumysyna ýaqytsha shekteý engiziledi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstannyń Energetıka mınıstrliginen málimdegendeı, kún kúrt salqyndap, saldarynan magıstraldyq gaz qubyrlaryndaǵy qysym tómendegen.
«Úıler men áleýmettik obektilerdi tabıǵı gazben qamtamasyz etý maqsatynda respýblıkada avtogaz quıý stantsııalarynyń jumysyna qysqa merzimdi shekteýler engiziledi», - delingen mınıstrliktiń habarlamasynda.
Vedomstvo aqparatyna saı, gaz quıý beketterindegi jaǵdaıdy eskere otyryp, barlyq janarmaı stantsııalaryna jetkiziletin benzın kólemi ulǵaıady.
Eske sala keteıik, byltyr da Ózbekstandaǵy gaz quıý stantsııalarynyń jumys ýaqytyna shekteý engizilgen edi.
