Ózbekstanda avtobýstaǵy gaz ballon jarylyp, 6 adam kóz jumdy

TAShKENT. QazAqparat – Ózbekstannyń Syrdarııa oblysynda avtobýstaǵy gaz ballony jarylyp, 6 adam qaza tapty, dep habarlaıdy QazAqparat.

Ózbekstan Tótenshe jaǵdaılar mınıstrliginiń málimetinshe, qaıǵyly oqıǵa 18 tamyz kúni saǵat 14:30 shamasynda Syrdarııa oblysynyń Aqaltyn aýdanynda bolǵan.

Avtobýstyń gaz ballondarynyń biri gaz quıý stantsııasynda jarylǵan. «Aldyn ala málimet boıynsha, oqıǵa saldarynan 6 adam qaza taýyp, 15-i ártúrli dárejedegi dene jaraqattaryn aldy», - dedi vedomstvonyń baspasóz qyzmetinen.

Oqıǵanyń mán-jaıyn Ózbekstannyń Tótenshe jaǵdaılar mınıstrliginen quralǵan jumys toby tekserip jatyr.

Foto: t.me/MCHSUzbek