Ózbekstanda astan ýlanǵan 2 myńǵa jýyq balanyń isine qatysty qylmystyq is qozǵaldy
TAShKENT. KAZINFORM – Tashkent oblysyndaǵy balabaqshalarda astan ýlanǵan 2 myńǵa jýyq búldirshinniń 182-si aýrahanalarda áli em alyp jatyr, dep habarlaıdy Kazinform agenttiginiń menshikti tilshisi.
Bul týraly Ózbekstan Sanıtarlyq-epıdemıologııalyq salaýattylyq jáne qoǵamdyq densaýlyq komıtetiniń birinshi orynbasary Nýrmat Atabekov málim etti.
Aıta keteıik, 24 qyrkúıekte Tashkent oblysyndaǵy memlekettik balabaqshalarda balalar astan ýlanyp, 960-tan astam búldirshin aýrýhanaǵa jatqyzylsa, túrli shaǵymdarmen dáriger kómeginge júgingenderdiń sany 1 940-tan asty.
Nýrmat Atabekov atap ótkendeı, sút ónimderinen ýlanǵan búldirshinderdiń densaýlyq jaǵdaıy jaqsaryp keledi. Birde-bir balada dert aýyr hálde ótken joq.
– Eń bastysy – barlyq balaǵa kórsetilip jatqan medıtsınalyq kómek memlekettiń qatań baqylaýynda. Em oń nátıje berip jatyr, - dedi Nýrmat Atabekov.
Quqyq qorǵaý organdary atalǵan oqıǵa boıynsha qylmystyq is qozǵap, tergeý júrgizip jatyr. Qazirgi ýaqytta osy iske qatysy bar degen kúdikpen 7 adam qamaýǵa alyndy. Onyń ishinde úsheýi sút ónimin shyǵaratyn kompanııanyń qyzmetkeri bolsa, qalǵandary balabaqshalarǵa azyq-túlik jetkizetin fırmalardyń ókilderi.