Ózbekstanda áskerı tikushaq qulap, 9 adam qaza tapty
ASTANA. QazAqparat - Ferǵana oblysynda Ózbekstan Qorǵanys mınıstrligine tıesili Mı-171 tikushaǵy apatqa ushyrady. Oqıǵa saldarynan 3 ekıpaj múshesi men bortta bolǵan Ózbekstan Qarýly kúshteriniń 6 áskerı qyzmetkeri qaza tapty. Oqıǵa 18 qazan kúni josparlyq ushý kezinde boldy, dep habarlaıdy UzDaily.uz eldiń áskerı vedomstvosyna siltememen.
«Apat sebepterin anyqtaıtyn arnaıy komıssııa quryldy. El bıligi qaza tapqandardyń týǵan-týystary men jaqyndaryna qaıǵyra kóńil aıtady», - delingen habarlamada.
Mı-171 - Reseıde jasalǵan azamattyq tasymaldaýshy tikushaq. Ekıpaj múshesi 3 adam, 26 jolaýshy tasymaldaı alady.
