Ózbekstanda aptap ystyqqa baılanysty poıyzdar endi baıaý júredi
TAShKENT. KAZINFORM — Ózbekstandaǵy poıyzdar aptap ystyqqa baılanysty endi baıaý júre bastaıdy, dep habarlaıdy Kazinform agenttiginiń menshikti tilshisi.
«Óztemirjolaýshy» kompanııasynan málim etkendeı, mundaı sheshim jolaýshylar men júk tasymalynyń qaýipsizdigin qamtamasyz etý úshin qabyldanyp otyr.
— Jyldamdyqqa qatysty shekteý engizilgen soń poıyzdar mejeli jerge kestede kórsetilgen ýaqyttan keshigip jetýi múmkin. Sonymen qatar aptap ystyqqa baılanysty vagondardaǵy salqyndatý júıesiniń de qýaty tómendeıdi, — delingen kompanııanyń baspasóz qyzmeti taratqan habarlamada.
Qosa ketsek, sınoptıkter 16 maýsymda elimizdiń birqatar óńirinde aptap ystyq bolatynyn eskertti. Tıisinshe, QR Tótenshe jaǵdaılar mınıstrliginiń mamandary qaýipsizdik sharalaryn eske saldy.