Ózbekstanda ánshini mádenıet mınıstriniń orynbasary etip taǵaıyndady

ASTANA. QazAqparat - Ózbekstan Prezıdenti Shavkat Mırzıeev mádenıet mınıstriniń birinshi orynbasary laýazymyna belgili estrada ánshisi Ozodbek Nazarbekovty taǵaıyndady.

Prezıdent Shavkat Mırzıeevtiń qaýlysymen «Eshlar» telearnasynyń burynǵy dırektory, Ózbekstannyń halyq ártisi Ozodbek Nazarbekov Ózbekstan mádenıet mınıstriniń birinshi orynbasary bolyp taǵaıyndaldy, dep habarlaıdy uznews.uz.

Atalǵan sheshim 9 tamyz kúni óńirlerdi damytýdy jedeldetý jónindegi keńes barysynda qabyldandy.

Nazarbekov 43 jasta, 2010 jyly Ózbekstannyń halyq ártisi ataǵyna ıe bolǵan.

Aıta keteıik, maýsym aıynyń sońynda Ozdobek Nazarbekov «Eshlar» telearnasynyń dırektory bolyp taǵaıyndalǵan edi. Alaıda, shilde aıynyń sońynda bul qyzmetinen óz erkimen bas tartqan ol osy ýaqytqa deıin telearnanyń prodıýseri bolyp keldi.