Ózbekstanda ammıak zaýytynda jarylys boldy

TAShKENT. QazAqparat – Búgin tańerteń Tashkent oblysyndaǵy ammıak zaýytynyń sıntezdeý bóliminde jarylys boldy. Bul týraly QazAqparat gazeta.uz silteme jasap habarlaıdy.

«Seısenbi kúni tańǵy saǵat 8:30 shamasynda Tashkent oblysy Shyrshyq qalasyndaǵy Maxam Chirchiq zaýytyndaǵy ammıak-1 sıntezdeý bóliminde órt shyǵyp, onyń saldarynan jarylys boldy», - delingen oblys ákimdiginiń baspasóz habarlamasynda.

Oblys ákimi Zoıyr Mırzaev jaýapty basqarmalarǵa oqıǵanyń saldaryn tez arada joıýdy tapsyrdy.

Ózbekstannyń Tótenshe jaǵdaılar mınıstrligi oblystyń Tótenshe jaǵdaılar departamentiniń basshylyǵy men arnaıy tehnıka oqıǵa ornynda jumys istep jatqanyn habarlady.

Órtti aýyzdyqtaý jáne joıý sharalary júrgizilýde. Oqıǵadan zardap shekender men sebep-saldary anyqtalýda.

Foto: toshvil.uz