Ózbekstanda altynnyń baǵasy qymbattap jatyr

TAShKENT. KAZINFORM – Búgin Ózbekstan bankterindegi altyn quımalardyń baǵasy qymbattap, buǵan deıin tirkelgen tarıhı kórsetkishten asyp tústi, dep habarlaıdy Kazinform agenttiginiń menshikti tilshisi.

Ózbekstan Ortalyq bankiniń deregine saı, jyl basynan beri altynnyń quny 11,1%-ǵa qymbattady. Qazir salmaǵy 5 gramm bolatyn altyn quıma 6,32 mln sýmǵa (shamamen 245 113 teńge) baǵalanyp otyr.

Sonymen qatar, 50 gramdyq quımanyń quny - 63,23 mln (2,4 mln teńge), al 100 gramm qymbat metaldyń baǵasy 126,46 mln sýmǵa (4,9 mln teńge) deıin qymbattady. Halyqaralyq naryqta altynnyń bir grammy 94,53 dollarǵa saýdalanyp jatyr.

Eske salaıyq, bıyl qańtarda Ózbekstannyń halyqaralyq rezervteri men altyn valıýta qory ósip, rekordtyq kórsetkishke jetti.