Ózbekstanda ákesi eki kúndik qyzyn satpaq bolǵan
TAShKENT. QazAqparat – Sýrhandarıa oblysy Angor aýdanynda er adam eki kúndik qyzyn 35 mln somǵa satpaqshy bolǵan, dep habarlaıdy QazAqparat Podrobno.uz saıtyna silteme jasap.
Quqyq qorǵaýshylarǵa bul týraly qylmyskerdiń kórshisi habarlaǵan.
Onyń aıtýynsha, Angor aýdanynda turatyn 54 jastaǵy er adam 17 shildede týǵan qyzyn 35 mıllıon sýmǵa satpaqshy bolǵan. Ol tórt jyldan beri 29 jastaǵy áıelmen azamattyq nekede bolǵan.
Qaskúnem 19 shildede saǵat 21:00-de ustaldy. Ony óz úıinde 1,4 myń dollar jáne 10 mln sým alyp jatqan kezinde ustaǵan.
Atalǵan fakti boıynsha qylmystyq is qozǵaldy. Ol 8 jyldan 12 jylǵa deıin bas bostandyǵynan aıyrylýy múmkin.
Buǵan deıin Úndistanda otbasylyq jup iPhone satyp alýy úshin sábıin satqan bolatyn.
