Ózbekstanda ákesi soqqyǵa jyqqan búldirshin baqshaǵa kózi kógerip keldi

Ózbekstannyń balalar ombýdsmeni áleýmettik jelide balabaqshaǵa beti men kózi kógerip kelgen jas búldirshindi ákesi soqqyǵa jyqqanyn aıtqan vıdeo týraly aqparat taratty, dep habarlaıdy Kazinform.

Jas balaǵa osyndaı qatygezdik kórsetý isi balalar ombýdsmeniniń qadaǵalaýyna alyndy.

Aldyn ala málimet boıynsha, zorlyq-zombylyq faktisi Samarqand oblysynyń Úrgit aýdanynda bolǵan.

Qazir aýdandyq ІІB bul jaǵdaıdy tekserip jatyr.

«Balaǵa qarsy mundaı áreketke barǵandar kim bolsa da zań aldynda jaýap beredi. Jaǵdaı týraly qosymsha aqparat beriledi» delingen habarlamada.