Ózbekstanda AES salynatyn alańda daıyndyq jumystary júrip jatyr
TAShKENT. KAZINFORM – Ózbekstan Zań shyǵarý palatasynyń depýtattary Uzatom agenttiginiń esebin tyńdady, dep habarlaıdy Kazinform agenttiginiń Tashkenttegi menshikti tilshisi.
Otyrys barysynda agenttik ókilderi málim etkendeı, ınjenerlik jáne geologııalyq zertteý jumystarynyń negizgi kezeńi aıaqtaldy. Reaktordyń irgetasy ornalasatyn jerge beton quıylyp, daıyndyq bastaldy. Sonymen qatar búginde normatıvtik-quqyqtyq bazany jeteldirý, ıadrolyq jáne radıatsııalyq qaýipsizdik salasyndaǵy halyqaralyq yntymaqtastyqty damytý mindetteri josparǵa saı oryndalýda.
Zań shyǵarý palatasy men Senat depýtattary qurylys barysymen jeke tanysyp, qadaǵalaý úshin taıaýda Jızaq oblysyndaǵy alańǵa barýdy josparlap otyr.
Eske salaıyq, taıaýda Belarýs prezıdenti Ózbekstannyń AES salý jobasyn iske asyrýda strategııalyq seriktes bolýǵa daıyn ekenin málimdedi.
Buǵan deıin habarlaǵanymyzdaı, Ózbekstanda salynyp jatqan AES Jızaq, Samarqand jáne Naýaı oblystaryn elektr energııasymen qamtamasyz etpek.
Sondaı-aq, taıaýda Ózbekstanda atom elektr stantsııasy qurylysynyń birinshi kezeńi bastalǵanyn jazyp edik.
23 jeltoqsanda Ózbekstanda AES qurylysy boıynsha qoǵamdyq tyńdaý ótti.
