Ózbekstanda AES qurylysy resmı túrde bastaldy
TAShKENT. KAZINFORM – Ózbekstanda atom elektr stantsııasynyń qurylysy resmı bastalyp, alǵashqy reaktordyń betony quıyldy, dep habarlaıdy Kazinform agenttiginiń Tashkenttegi menshikti tilshisi.
Sankt-Peterbýrgte ótken rásimge Ózbekstan basshysy Shavkat Mırzıeev pen Reseı prezıdenti Vladımır Pýtın qatysyp, beınebaılanys arqyly qurylysty bastaýǵa ruqsat berdi. Al Jızaq oblysyndaǵy is-sharaǵa Uzatom agenttiginiń dırektory Azım Ahmedhadjaev, Rosatom korporatsııasynyń ókilderi, MAGATE Bas dırektory Rafael Grossı qatysty.
- Búgin sizder tarıhı oqıǵanyń kýágeri bolyp otyrsyzdar. Biz Ózbekstannyń tehnologııalyq, ǵylymı jáne óndiristik damýynyń jańa kezeńine qadam bastyq. Birinshi kezekte AES ulttyq ekonomıka úshin jumys isteıdi. Bul strategııalyq sheshim turaqty damýdyń negizi bolmaq, - dedi qurylysty bastaý rásiminde sóz sóılegen kórshiles eldiń prezıdenti Shavkat Mırzıeev.
Buǵan deıin Qazaqstandaǵy alǵashqy AES-ke qansha qarajat jumsalatynyn jazyp edik.
Eske salaıyq, Ózbekstanda AES salynatyn alańda daıyndyq jumystary júrip jatyr.
Sondaı-aq, MAGATE ókilderi AES qurylysynyń barysyn baqylaý úshin bıyl Ózbekstanǵa barady.
Qosa ketsek, Ózbekstanda salynatyn AES eldiń úsh óńirin elektr qýatymen qamtamasyz etedi.
