Ózbekstanda adam saýdasy qylmysynyń qurbandaryn qorǵaý júıesi jetildirilmek
TAShKENT. KAZINFORM — Ózbekstan prezıdenti Shavkat Mırzıeev adam saýdasynan zardap shekkenderi anyqtaý, qorǵaý jáne qoǵamǵa qaıta beıimdeý júıesin jetildirýge baǵyttalǵan jarlyqqa qol qoıdy, dep habarlaıdy Kazinform agenttiginiń Tashkenttegi menshikti tilshisi.
Qujat adam saýdasynyń qurbandaryna ýaqytyly kómek kórsetip, olardyń quqyqtary men múddelerin qorǵaýǵa baǵyttalǵan.
Endi zardap shekken ózbekstandyqtardyń kómek alý úshin túrli memlekettik mekemelerge óz betinshe júginýi mindetti emes. Olardyń jaǵdaıy biryńǵaı júıe arqyly erte anyqtalyp, qajettilikteri baǵalanady. Sonyń negizinde azamattarǵa áleýmettik, quqyqtyq, psıhologııalyq jáne medıtsınalyq kómek kórsetiledi.
Qujatta, ásirese, balalardyń quqyqtary men múddelerin qorǵaýǵa erekshe nazar aýdarylǵan. Sondaı-aq olardy qaýipsiz ortaǵa beıimdeý boıynsha qosymsha sharalar legi qarastyrylǵan.
Eske salaıyq, Ózbekstanda búldirshinge kúsh qoldanǵan tárbıeshiler endi 1 jylǵa balabaqsha jumysynan shettetiledi.
Sondaı-aq, Ózbekstanda áleýmettik jelidegi beıádep sóz úshin ákimshilik jaza engiziledi.
Munymen birge Ózbekstanda týystar arasyndaǵy neke úshin jaza qatańdatylady.
