Ózbekstanda adam aǵzasyn satýmen aınalysqan qylmystyq top músheleri ustaldy
TAShKENT. KAZINFORM — Ózbekstannyń quqyq qorǵaý organdary adam aǵzalaryn satýmen aınalysyp kelgen qylmystyq top múshelerin ustady, dep habarlaıdy Kazinform agenttiginiń menshikti tilshisi.
Ózbekstannyń Memlekettik qaýipsizdik qyzmeti men Іshki ister mınıstrligi birlesip júrgizgen operatsııa nátıjesinde 12 adam quryqtaldy. Tergeý barysynda málim bolǵandaı, qylmystyq top músheleri áleýmettik jeli arqyly búırek jáne baýyr dertine shaldyqqandardy izdestirýmen aınalysqan. Sondaı-aq, olar óz aǵzasyn satýǵa nıetti turǵyndardy taýyp, donarlarǵa asa iri kólemde aqsha usynǵan.
Keıin top músheleri shet elderdegi tanystaryn tarta otyryp, jalǵan jeke kýálikter jasatqan. ıAǵnı, ol qujattarda aǵza transplantatsııasyna muqtaj azamat donardyń týysy retinde kórsetilgen.
Resmı málimetke sáıkes, otalar kórshi memleket aýmaǵynda ornalasqan jeke klınıkalardyń birinde jasalǵan. Tergeý anyqtaǵandaı, 2023 jyldan beri kúdiktiler 32 naýqasqa búırek pen baýyr transplantatsııasy otasyn uıymdastyryp úlgergen. Odan túsken qarajattyń bir bóligi klınıkanyń qyzmetine, donorǵa jumsalsa, qalǵany top músheleriniń qaltasynda qalyp otyrǵan.
Sonymen qatar, kúdiktiler otadan soń em darymaǵan naýqastarǵa aýyrsynýdy ýaqytsha basatyn dárilerdi qymbat baǵamen satqan.
Atalǵan fakti boıynsha qylmystyq is qozǵalyp, tergeý júrgizildi. Qazirgi ýaqytta is sotqa joldandy.
Qosa ketsek, buǵan deıin Qazaqstanda 4 myńnan astam adam aǵza transplantatsııasyna kezekte turǵanyn jazyp edik.
Sondaı-aq, taıaýda Qazaqstanda alǵash ret úshtik aıqas búırek transplantatsııasy jasaldy.