Ózbekstanda 934 adam koronavırýs juqtyrǵan
TAShKENT. QazAqparat – Ózbekstanda 934 adam koronavırýs ınfektsııasyn juqtyrǵan, dep habarlaıdy QazAqparat tilshisi.
Ózbekstan Respýblıkasy densaýlyq saqtaý mınıstrliginiń málimetinshe, onyń ishinde 85 adam aýrýdan aıyǵyp ketken, 4 naýqas qaıtys bolǵan.
Eldiń bas memlekettik sanıtar ınspektory Nurmat Atabekovtyń aıtýynsha, Tashkentte koronavırýsqa shaldyqqan 201 patsıent em alyp jatyr.
Vırýsologııa ǵylymı-zertteý ınstıtýtynda 97 adam jatsa, onyń 30-ynda pnevmonııa belgileri anyqtalǵan. 5 naýqastyń jaǵdaıy aýyr.
Epıdemıologııa, mıkrobıologııa jáne ınfektsııalyq aýrýlardy ǵylymı-zertteý ınstıtýtynda 104 adam em alýda. Onyń ishinde beseýiniń hali nashar.
Qazirgi tańda 80 myńnan astam adam statsıonarǵa jáne úı karantınine jatqyzylǵan.
