Ózbekstanda 5 jyldan beri nekege turý kórsetkishi azaıyp keledi
ASTANA. KAZINFORM — Ózbekstan sońǵy 35 jylda tirkelgen nekeler sany týraly derekterdi jarııalady, oǵan sáıkes nekege turý kórsetkishi 2021 jyldan beri qysqaryp keledi.
Ózbekstan Ulttyq statıstıka komıtetiniń málimetteri boıynsha, 2021 jyly elde 305 200 neke tirkelgen, 2022 jyly 296,7 myń, 2023 jyly 283,8 myń, 2024 jyly 271,8 myń, al 2025 jyly 267,1 myń jup shańyraq kótergen.
2026 jyldyń alǵashqy alty aıynda elde 92 300 neke rásimdelgen.
Otbasyn qurýdyń rekordy 2018 jylǵa tıesili bolyp otyr, sol jyly Ózbekstanda 311,4 myń otbasy tirkelgen bolatyn. Al eń tómengi kórsetkish 168,9 myń neke 2000 jyly rásimdelgen.
Buǵan deıin Otbasy jáne genderlik ǵylymı-zertteý ınstıtýty Ózbekstandaǵy neke sanynyń azaıýynyń negizgi faktorlaryn anyqtaıtyn zertteý júrgizgen bolatyn. Olarǵa demografııalyq ózgerister, áıelderdiń bilim alýǵa jáne mansap qurýǵa degen umtylysy, ekonomıkalyq qıyndyqtar, ajyrasý deńgeıiniń artýy, eńbek mıgratsııasy jáne jastardyń ómir saltynyń ózgerýi jatady.
Buǵan deıin Ózbekstanda halyq sany bir jylda 700 myń adamǵa óskeni habarlanǵan bolatyn.
