Ózbekstanda 49 myń adam koronavırýsqa qarsy vaktsına aldy

TAShKENT. QazAqparat – 7 sáýirdegi jaǵdaı boıynsha, Ózbekstanda COVID-19 vırýsyna qarsy vaktsına 49 602 adamǵa egildi, dep habarlaıdy QazAqparat.

Ózbekstan Respýblıkasy Densaýlyq saqtaý mınıstrliginiń málimetinshe, búginde vaktsınalaýdyń jaqsy qarqyny Tashkent qalasynda júrip jatyr, munda 9390 adamǵa ekpe salynǵan.

Samarqanda 6334 adamǵa, Ándijanda – 4962 adamǵa, Tashkent oblysynda – 4984 adamǵa jáne Namanǵanda – 4789 adamǵa vaktsına egildi. Sáýir aıynyń ishinde Tashkent, Núkis (Qaraqalpaqstan Respýblıkasy), sondaı-aq eldiń oblys ortalyqtarynda barlyǵy 142 myń adamǵa ekpe salý josparlanyp otyr.

Vaktsınalaý eki preparatpen júzege asyrylyp otyr: arada bir aı salyp eki márte salynatyn AstraZeneca men Qytaı men Ózbekstannyń birlesip shyǵarǵan ZF-UZ-VAC2001 vaktsınasy.

Eske sala ketsek, Ózbekstanda turǵyndardy vaktsınalaý birtindep júrgiziledi: sáýir aıynda vaktsınalaý áýeli iri qalalarda, mamyrda aýdan ortalyqtary men shaǵyn qalalarda, al maýsym aıynda – aýyldyq jerlerde júrgiziletin bolady. Úsh aıdyń ishinde 4 mıllıonnan astam adamǵa ekpe saldyrtý josparlanyp otyr.

Bul maqsattarda el boıynsha vaktsınalaýdyń 3138 pýnkti men 862 mobıldi brıgadasy qurylǵan.