Ózbekstanda 45 myń jáne Qyrǵyzstanda 2 myńnan astam qoıdyń qyrylýyna alyp kelgen vaktsına Qazaqstannan jetkizilgen joq - QR AShM
ASTANA. 16 qazan. QazAqparat - QR AShM Veterınarlyq baqylaý jáne qadaǵalaý komıtetinen málim etkendeı,
ınternet-resýrstarda maldardyń qyrylýyna alyp kelgen qoılardy sheshek aýrýyna qarsy egýge qatysty jarııalanǵan aqparat (https://www.kyrtag.kg/?q=ru/top_news/29046 ) shyndyqqa janaspaıdy.
Ózbekstan Respýblıkasynyń memlekettik veterınarlyq qyzmetine silteme jasaı otyryp taratylǵan habarlamada aıtylǵandaı, «Ózbekstannyń 3 oblysynda 45 myń jáne Qyrǵyzstanda 2 myńnan astam qoıdyń qyrylýyna alyp kelgen vaktsına kontrabandalyq jolmen Qazaqstannan ákelingen».
Bul rette QR AShM Veterınarlyq baqylaý jáne qadaǵalaý komıteti preparattyń Qazaqstan aýmaǵynan kontrabandalyq jolmen jetkizilý faktisi bolmaǵandyǵy týraly málimdedi. Buny Ózbekstan Respýblıkasynyń quzyrly memlekettik organdary da rastap otyr. Sondaı-aq Ózbekstan Respýblıkasynyń tıisti qadaǵalaý organynyń qyzmeti kontrafaktilik vaktsınanyń sapasyn rastamady.
Oǵan qosa ÓR-nyń memlekettik veterınarlyq qyzmeti vaktsınanyń óndirýshileri (Búkilreseılik veterınarııa jáne mıkrobıologııa ǵylymı-zertteý ınstıtýty) týraly habarlaı otyryp, óndirýshiniń ornalasqan jerin, preparattyń ázirlengen kúni men jaramdyq merzimin kórsetpegen.
