Ózbekstanda 400 dollarǵa sábı satqandar ustaldy
ASTANA. QazAqparat - Ózbekstan UQK qyzmetkerleri adam saýdasymen kúres sharalary aıasynda jańa týǵan sábıdi satpaq bolǵan eki áıeldi ustady, dep habarlady ÝzTAG.
«Sábıdiń anasy, Horezm oblysy, ıAngıbazar aýdanynyń 20 jastaǵy turǵyny Saıda Kýlahmetova jáne onyń sybaılasy Úrgenish aýdanynyń 34 jastaǵy turǵyny Shynar Mamýtova sábıdi satyp, 400 dollar alǵysy kelgen», - dep málimdedi komıtettegi aqparat kózi.
Qylmysty jasyrý úshin áıelder balaǵa jalǵan qujat jasaýdy josparlaǵan. Shynar Mamýtova ıAngıbazar aýdanynyń AHAJ bólimi meńgerýshisi mindetin atqarýshy Saehat Tıllaevaǵa 50 myń sým kóleminde para berip, jalǵan týý týraly kýálikke tapsyrys bergen.
S.Kýlahmetova men Sh.Mamýtovaǵa qatysty Qylmystyq kodekstiń 135 baby boıynsha (Adam saýdasy), al S.Tıllaevaǵa qatysty QK 210 baby (Para alý) boıynsha qylmystyq is qozǵaldy.
