Ózbekstanda $38,9 mlrd memlekettik organdardyń baqylaýynan tys qalyp otyr

TAShKENT. KAZINFORM – Byltyr Ózbekstanda baqylanbaıtyn ekonomıkanyń kólemi 505 trln sýmnan (shamamen $38,9 mlrd) asty, dep habarlaıdy Kazinform agenttiginiń menshikti tilshisi.

Statıstıka agenttiginiń málimetinshe, baqylanbaıtyn ekonomıkanyń jalpy ishki ónimdegi (JІÓ) úlesi 34,8%-ǵa jetti. Buǵan kórsetilgen qyzmetter kólemin ádeıi jasyrý jáne beıresmı jumyspen qamtý sebep bolyp otyr.

Vedomstvonyń aqparatyna saı, eldegi beıresmı ekonomıkanyń kólemi 383,64 trln sým ($29,5 mlrd) bolsa, taǵy 122 trln sým ($9,4 mlrd) kóleńkede qalyp otyr.

Qarajatyn esepke alý múmkin bolmaı turǵan sektorlardyń kóshin aýyl, orman jáne balyq sharýashylyqtary bastap tur. Odan keıingi úles qurylys, qyzmet kórsetý jáne ónerkásip salalaryna tıesili.

Toqtala keteıik, baqylanbaıtyn ekonomıka - bul statıstıka organdary tolyq esepke ala almaı otyrǵan aınalymdaǵy qarajat. Oǵan beıresmı jáne kóleńkeli ekonomıka kiredi.

Eske salaıyq, 2023 jyly kóleńkeli ekonomıkadan Ózbekstannyń memlekettik bıýdjetine $2,4 mlrd zalal keldi.

Byltyr Ózbekstannyń Ekonomıka jáne qarjy mınıstri Djamshıd Kýchkarov eldegi kóleńkeli ekonomıkanyń kólemi jalpy ishki ónimniń 25-ten 45 paıyzyna deıingi aralyqta ekenin aıtqan edi.