Ózbekstanda 3 myńnan astam mýzeı eksponaty urlanǵan
TAShKENT. QazAqparat - Ózbekstandaǵy 14 murajaıdan 3 myńnan astam biregeı mádenı qazyna tonalǵan, dep habarlaıdy QazAqparat tilshisi respýblıka basshysynyń baspasóz qyzmetine silteme jasap.
Mádenı muraǵa 30 jyl ishinde kelgen shyǵyn 4 trln sýmnan (shamamen 357 mln $) asady.
Mádenı muralardy urlaýdyń aýqymy týraly málimetti Ózbekstan prezıdenti Shavkat Mırzıeev eldegi týrızmdi damytý máselelerine arnalǵan keńeste aıtty.
«Tekserý barysynda respýblıkanyń 14 mýzeıinde 3 myńnan astam biregeı mádenı qundylyqtar tonalǵany anyqtaldy. Atap aıtqanda, Buhara memlekettik murajaıynda jalpy somasy 31,5 mlrd sýmǵa baǵalanatyn 81 mádenı mura zaty anyqtaldy. «Ichan-Kala» memlekettik mýzeı qorynda 101 mýzeı zaty túpnusqaǵa sáıkes kelmeıtini belgili boldy. Jalpy, 30 jyl ishinde mádenı mura obektilerine kelgen shyǵyn kólemi 4 trıllıon sýmnan asty», - dedi Shavkat Mırzıeev.
Ol Bas prokýratýra men Týrızm jáne mádenı mura mınıstrligi bastaǵan komıssııaǵa jyl sońyna deıin murajaılardaǵy búkil jádigerlerdi túgendep, olardyń elektrondy bazasyn jasaýdy tapsyrdy.
«Budan bylaı oblys ákimderi murajaılardaǵy jaǵdaıǵa derbes jaýapty bolady», - dedi Shavkat Mırzıeev.
