23:44, 14 Jeltoqsan 2024 | GMT +5
Ózbekstanda $2,6 mln krıptoaktıvine zańsyz ıelik etken jasóspirim ustaldy
TAShKENT. KAZINFORM – Ózbekstannyń Buhara oblysynda zańsyz krıptoaktıvter aınalymy úshin 17 jastaǵy azamat ustaldy, dep habarlaıdy Kazinform agenttiginiń menshikti tilshisi.
«Milliy TV» telearnasynyń málimetinshe, zań buzýshylyqty oblystyq ishki ister basqarmasy kıberqaýipsizdik bóliminiń qyzmetkerleri anyqtaǵan. Ustalǵan jasóspirim Jondor aýdanynyń «Zarafshan» mahallıasynda turǵan.
Quqyq qorǵaý organdarynyń málimetinshe, ol tıisti lıtsenzııasyz 34 mlrd sýmǵa (shamamen $2,6 mln) baǵalanǵan krıptoaktıvterdi alý, aınalymǵa qoıý jáne aıyrbastaý isimen aınalysqan.
Atalǵan fakti boıynsha ÓR Qylmystyq kodeksiniń 278-8-babynyń 3-bóligi boıynsha (krıptoaktıvter aınalymy zańnamasyn buzý) qylmystyq is qozǵalyp, aldyn ala tergeý júrip jatyr.