Ózbekstanda 2025–2026 jyldary 3000-ǵa jýyq mıkro GES salynýy múmkin
TAShKENT. KAZINFORM — «Respýblıka aýmaqtarynda mıkro gıdro elektr stantsııalary jelisin damytý jónindegi qosymsha sharalar týraly» el prezıdentiniń qaýlysy qabyldandy, dep habarlaıdy Ózbekstan Ádilet mınıstrliginiń baspasóz qyzmeti.
Qaýlyǵa sáıkes 2025-2026 jyldary respýblıka óńirlerinde mıkro gıdro elektr stantsııalary jelisin damytýdyń mynadaı negizgi nysanaly ındıkatorlary belgilendi, onyń ishinde:
— jalpy qýaty 164 MVt bolatyn 2983 mıkro GES salý jáne jylyna 500 mln kVt/saǵ ekologııalyq taza elektr energııasyn óndirý;
— jańa mıkro GES-terdi iske qosý arqyly 280 myń adamdy elektr energııasymen qamtamasyz etý;
— qurylys kezeńinde 1200 jumysshyny jumyspen qamtý jáne jobalar iske qosylǵannan keıin 520 turaqty jumys ornyn qurý.
2025 jylǵy 1 mamyrǵa deıin jobalyq qujattama negizinde mıkro GES salý úshin tańdalǵan jer telimderi belgilengen tártippen Energetıka mınıstrligine beriledi.
Energetıka mınıstrligi bólingen jer telimderin mıkro GES salý jáne paıdalaný úshin joba bastamashylaryna 20 jyl merzimge jalǵa berýdi qamtamasyz etedi.
Sonymen qatar shaǵyn sý elektr stantsııalarynyń jobalaryn júzege asyrý jónindegi top qurylady.
Eske sala keteıik, Ózbekstan bıligi iri AES salý múmkindigin qarastyryp jatyr.