Ózbekstanda 2024 jyldyń birinshi kúninde 1800-den astam sábı dúnıege keldi
Ózbekstanda 2024 jyldyń jańa jylynda 1859 sábı dúnıege keldi, dep habarlaıdy Kazinform tilshisi.
Ózbekstan Densaýlyq saqtaý mınıstrligi baspasóz qyzmetiniń málimetinshe, 2024 jyldyń 1 qańtarynda respýblıkada 1859 sábı dúnıege kelgen, onyń 847-si qyz, 1012-si ul.
«Jalpy sannyń ishinde Surhandarııa oblysynda 21 jaǵdaıda egiz, al bir jaǵdaıda úshem dúnıege keldi», - dep jazdy Densaýlyq saqtaý mınıstrligi.
Jańa týǵan nárestelerdiń eń kóp sany Qashqadarııa oblysynda – 207 bala týdy. Bala týý kórsetkishi boıynsha alǵashqy bestikke Ándijan (201 jańa týǵan náreste), Samarqand (196), Ferǵana (195) jáne Sýrhandarııa (185) oblystary da kirdi.
Vedomstvo mereke kúnderi 229 perzenthana kesheninde 7,5 myń dáriger jumys istep, bosanǵan áıelderge qajetti kómek pen qamqorlyq kórsetiletinin aıtty.
