Ózbekstanda 2012 jyly JІÓ ósimi 8,2 paıyzdy qurady
ALMATY. 28 qańtar. QazAqparat - Ózbekstanda 2012 jyly ónerkásip óndirisiniń kólemi - 7,7, aýyl sharýashylyǵy - 7, bólshek taýar aınalymy 3,9 paıyzǵa ósti.
Qazaqstandaǵy Ózbekstan Elshiliginiń baspasóz qyzmetiniń habarlaýynsha, eksport 11,6 paıyzǵa ulǵaıyp, onyń qurylymy men shetke shyǵatyn ónimderdiń sapasy aıtarlyqtaı artqan. Máselen shıkizattyq emes daıyn ónimderdiń úlesi 70 paıyzdan joǵarylap otyr. Al syrtqy taýar aınalymynyń kólemindegi jaǵymdy saldo 1 mlrd. 120 mln. dollardan asty. Inflıatsııa deńgeıi 7 paıyzdan asqan joq. Memlekettik bıýdjet shyǵyndarynyń 59,2 paıyzǵa jýyǵy áleýmettik salalardy qarjylandyrýǵa baǵyttalǵan. Atap aıtqanda, bilim salasyna 34 paıyzdan astamy, 14,5 paıyzdan astamy densaýlyq saqtaýǵa jumsalǵan. Birinshi qańtardaǵy málimet boıynsha, eldiń jınaqtalǵan syrtqy qaryzy jalpy ishki ónimniń 16 paıyzynan aspaıdy. Ótken jyly bank júıesiniń jınaqtalǵan kapıtaly 24,3 paıyzǵa ósip, kapıtaldyń jetkiliktilik deńgeıi 24 paıyzdy qurady. Bul jalpy qabyldanǵan halyqaralyq standarttan 3 ese joǵary. Bank júıesiniń ótimdiligi de 65 paıyzdy qurap, talap etiletin tómengi deńgeıden 2 eseden astamǵa ulǵaıǵan. Ekonomıkanyń naqty sektoryna berilgen kredıtter kólemi aldyńǵy jylmen salstyrǵanda 1,3 ese ósse, onyń 76 paıyzy 3 jyldan astam merzimge berilgen uzaq merzimdik kredıtter bolyp otyr. Negizgi kapıtaldaǵy ınvestıtsııa kólemi jalpy ishki ónimniń 22,9 paıyzyn quraǵan. 11,7 mlrd. dollardyń otandyq jáne sheteldik ınvestıtsııasy tartylyp, 2011 jylmen salystyrǵanda 14 paıyzdyq ósim tirkelip otyr. Barlyq ınvestıtsııanyń 22 paıyzdan astamy nemese 2,6 mlrd. dollary sheteldik. Sondaı-aq, onyń 79 paıyzdan astamy tikeleı sheteldik ınvestıtsııa. Jalpy ınvestıtsııanyń 74 paıyzy óndiristik qurylysqa baǵyttaldy.
