Ózbekstanda 2011 jylǵa arnalǵan ınvestıtsııalyq baǵdarlama qabyldandy
TAShKENT. 10 qańtar. QazAqparat /Qurmat Samarhan/ - Ózbekstan Respýblıkasynyń Prezıdenti Islam Karımov 2011 jylǵa arnalǵan respýblıkanyń ınvestıtsııalyq baǵdarlamasyn maquldady, dep jazady Ózbekstannyń buqaralyq aqparat quraldary.
Atap aıtqanda, Ózbekstan basshysy memlekettik bıýdjet esebinen 2011 jylǵa arnalǵan ortalyqtandyrylǵan kapıtal salymdarynyń, sýarmaly jerlerdi jaqsartý jónindegi jer óńdeý qorynyń, bıýdjetten tys Respýblıkalyq jol qorynyń mólsherlerin, sondaı-aq qaıta jańǵyrtý qorynyń esebinen bilim berý mekemelerin jańartý, kúrdeli jóndeýden ótkizý men jabdyqtaý baǵdarlamasyn bekitti.
Sonymen qatar I.Karımov qazir jumys istep turǵan óndiristerdi qaıta jańǵyrtýǵa baǵyttalǵan birqatar ataýly baǵdarlamalardy da maquldady.
Baspasóz quraldarynyń málim etkenindeı, ınvestıtsııalyq baǵdarlamanyń taǵy bir baǵyty - sheteldik ınvestıtsııalardy tartý bolmaq. Ózbekstan Prezıdenti tikeleı sheteldik ınvestıtsııalar men nesıelerdi tarta otyryp, úkimettiń kepili aıasyndaǵy júzege asyrylatyn 2011 jyldaǵy ataýly ınvestıtsııalyq baǵdarlama men aǵymdaǵy jyly atqarylatyn jumystarǵa basymdyq beretin ınvestıtsııalyq usynystardyń jıyntyq tizimin maquldady.
