Ózbekstanda 2 jylda turǵyn úı qurylysyna qatysty 5,5 myńnan asa zań buzýshylyq anyqtaldy

TAShKENT. KAZINFORM – Shavkat Mırzıeevtiń tóraǵalyǵymen ótken otyrysta merdigerler arasynda qurylys mádenıetin túbegeıli arttyrý qajettigi aıtyldy, dep habarlaıdy Kazinform agenttigi Ózbekstan prezıdentiniń baspasóz qyzmetine silteme jasap. 

Ózbekstanda paıdalanýǵa berilgen úılerde kóptegen kemshilik anyqtaldy. Atap aıtqanda, keıingi eki jylda turǵyn úı qurylysynda 5,5 myńnan astam zań buzýshylyq tirkelgen.

Sondaı-aq 88 jaǵdaıda merdigerler jobaǵa qaıshy 1-2 qabatty qosymsha úıler salsa, paıdalanýǵa berilgen 74 kópqabatty úıde qurylys sapasynda eleýli kemshilikter anyqtalǵan.

Qazirgi ýaqytta merdigerler qurylysty bastaý úshin kem degende 5 kezeńde qujattardy kelisý kerek, bul 2 aıǵa sozylýy múmkin.

Bul protsesti jeńildetý josparlanýda. Endi qurylys kompanııalary «Móldir qurylys» alańy arqyly daıyn jobany bólimdermen onlaın kelise alady. Eger kemshilikter anyqtalsa, olardy joıý qajet bolady.

Memlekettik sáýlet-qurylys qadaǵalaý ınspektsııasy qurylystyń jobaǵa sáıkestigin tekserip, aıaqtalǵan soń akti beredi. Nysandy paıdalanýǵa berý úshin tek eki organnyń – Memlekettik órtke qarsy qadaǵalaý men órt qaýipsizdigi organdarynyń qorytyndysyn alý kerek. Qajet bolǵan jaǵdaıda ınspektsııa basqa sala mamandaryn óz betinshe tartady.

Eske sala keteıik, Ózbekstanda 2024 jyly ákimderdiń kómekshileri 309 sybaılas jemqorlyq qylmysyn jasaǵan.