Ózbekstanda 170 myńnan astam bala koronavırýs vaktsınasyn aldy
TAShKENT. QazAqparat – Ózbekstanda balalardy erikti túrde vaktsınalaýdyń alǵashqy aıynda 12-18 jasqa deıingi 170 myńnan astam jasóspirim koronavırýsqa qarsy ekpe aldy, dep habarlaıdy QazAqparat menshikti tilshisi.
Ózbekstan Respýblıkasy densaýlyq saqtaý mınıstrliginiń málimetinshe, búgingi kúnde 12-18 jasqa deıingi 176 791 jasóspirim koronavırýsqa qarsy vaktsına aldy. Balalarǵa ata-analary men qamqorshylarynyń kelisimimen eldiń kez kelgen egý pýnktinde ekpe salýǵa bolady. Vaktsınatsııa úshin Pfizer/Biotech nemis vaktsınasy qoldanylady.
Eske sala keteıik, Ózbekstanda balalardy erikti negizde vaktsınalaý protsesi 28 qyrkúıekte bastalǵan bolatyn.
Avtory: Mádıbek Jánibekov
