Ózbekstanda 15 jastaǵy qyzǵa úılengen jigitke qatysty qylmystyq is qozǵaldy
TAShKENT. KAZINFORM — Surhandarııa oblysynda 15 jastaǵy qyzdy 28 jastaǵy jigitke kúshtep kúıeýge bergen. Bir azamat qarjylaı paıda alý úshin olarǵa sharıǵat boıynsha neke qıǵan, dep habarlaıdy Ózbekstannyń balalar quqyqtary jónindegi ýákili.
Anyqtalǵandaı, 7 tamyz kúni Denov aýdanynda turatyn 1958 jyly týǵan áıel kámelettik jasqa tolmaǵan nemeresi A.R.-ny (2009 j.t. qyz bala) sol aýdanda turatyn M.R.(1997 j.t.) esimdi azamatqa kúıeýge bergen.
A.R. kámelettik jasqa tolmaǵandyǵyna baılanysty M.R.-men zańda belgilengen tártippen esepke alynbaǵan, azamat I.M (1950 jyly týǵan er adam) materıaldyq paıda alý maqsatynda olarǵa dinı neke qııý rásimin jasaǵan.
Osy oqıǵa boıynsha I.M.-ǵa qatysty ÓR QK-niń 125-1-babymen, azamat M.R-ǵa qatysty ÓR QK-niń 128-babymen qylmystyq is qozǵaldy.
Qazirgi ýaqytta qylmystyq is boıynsha aldyn ala tergeýdi Denov aýdandyq ishki ister bólimine qarasty tergeý bólimi júrgizip jatyr.
Eske sala keteıik, Ózbekstanda mas kúıinde 23 balany tasymaldaǵan Damas júrgizýshisi qamaýǵa alyndy.