Ózbekstanda 109 bala tamaqtan ýlanyp qaldy

ASTANA. KAZINFORM — Tashkent oblysynyń tómengi Shyrshyq, Aqqorǵan, Piskent jáne Bóke aýdandaryndaǵy balabaqsha búldirshinderi tamaqtan ýlandy, dep habarlady ÓR Mektepke deıingi jáne mektep bilim berý mınıstrligi. 

Qazir tómengi Shyrshyq aýdanynda — 12, Aqqorǵan aýdanynda 97 bala dárigerlerdiń baqylaýynda, densaýlyǵy turaqty.

25 qyrkúıekte Mektepke deıingi jáne mektep bilim berý mınıstri Ezoza Karımova men mınıstrdiń orynbasary Azızbek Turdıev atalǵan isterdi jeke tekserý úshin tómengi Shyrshyq, Aqqorǵan, Piskent jáne Bóke aýdandaryndaǵy mektepke deıingi bilim berý uıymdarynda bolǵany atap ótildi. Oblystyq quqyq qorǵaý organdary jáne jergilikti ákimdik qyzmetkerlerimen birlese otyryp, balabaqshalardyń qazirgi jaǵdaıy men ashanalardaǵy jaǵdaı qaraldy. Balabaqsha jetekshileri jáne tárbıeshilerimen dıalog ótkizildi.

— Saqtyq sharasy retinde tıisti uıymdarmen birlese otyryp, Piskent jáne Bóke aýdandaryndaǵy balabaqsha tárbıelenýshileri kezek-kezek dárigerlerdiń tekserisinen ótkizilip jatyr. Ázirge búldirshinderdiń densaýlyǵyna aıtarlyqtaı qaýip tóngen joq, — delingen habarlamada.

Habarda aıtylǵandaı, jaǵdaı quqyq qorǵaý organdarynyń baqylaýyna alynyp, tergeý bastaldy.

Eske sala keteıik, Ózbekstanda adam aǵzasyn satýmen aınalysqan qylmystyq top músheleri ustaldy.