Ózbekstanda 100 myńdyq banknot shyǵarylady
TAShKENT. QazAqparat - Ózbekstan Ortalyq banki nomınaly 100 myń sým bolatyn banknottar shyǵarýdy josparlap otyr, dep habarlaıdy QazAqparattyń menshikti tilshisi.
Ózbekstan Respýblıkasy Ortalyq bankiniń málimetinshe, Olıı Májilisi Senaty 15 qańtarda nomınaly 100 myń sým banknottarynyń úlgisi men dızaınyn maquldady. Alaıda, onyń túri, sıpattamasy jáne shyǵarylatyn kúni ázirge resmı túrde jarııalanǵan joq.
Sonymen birge, eldiń bas qarjylyq basqarýshy organynan iri nomınaldaǵy bul banknotanyń turǵyndar úshin qolma qol aqsha tóleý qolaılylyǵyn arttyrý, qolma qol aqshany saqtaý jáne tasymaldaýmen baılanysty shyǵyndaryn qysqartý, sondaı-aq bankomattardyń turǵyndarǵa qyzmet kórsetý tıimdiligin arttyrý, ulttyq valıýta banknottyq qataryn ońtaılandyrý maqsatynda engizilip otyrǵanyn habarlady.
Eske sala keteıik, qazirgi kezde Ózbekstanda eń iri qaǵaz aqsha - 50 myń som. Ol 2017 jyly aınalymǵa shyǵarylǵan.
Avtor: Mıras Qýandyqov
