Ózbekstanda 1 shildeden bastap karantın kúsheıdi

Respýblıkalyq arnaıy komıssııanyń sheshimimen koronavırýstyń el aýmaǵynda taraýyna jol bermes úshin 1 shildeden bastap memleket aýmaǵynda karantındik talaptar kúsheıtildi.
- Respýblıkanyń barlyq aımaqtaryndaǵy iri bazarlar jáne taýarlar satýmen aınalysatyn iri saýda ortalyqtary aptanyń senbi-jeksenbi kúnderi sanıtarlyq jáne dezınfektsııa jumystarynyń júrgizilýine oraı jabylady;
- «qyzyl» jáne «sary» sanattaǵy aımaqtarda saǵat 07:00-den 23:00-ge deıin qoǵamdyq ortalarda úsh adamnan kóp kisi toptanýǵa, al 23:00-den 07:00-ge deıin kóshede, kópqabatty úılerdiń aldyna jınalýǵa tyıym salynady.
Karantın jaǵdaıynda:
- densaýlyǵynyń nasharlaýyna nemese júktilikke baılanysty medıtsınalyq tekserýden ótý úshin medıtsınalyq mekemege nemese qajetti dári-dármekti satyp alý úshin dárihanaǵa barýǵa ruqsat etiledi;
- «qyzyl» jáne «sary» kategorııaly aımaqtarda aptanyń senbi-jeksenbi kúnderi qoǵamdyq kólik qozǵalysyna birshama shekteý qoıylady.
Respýblıkalyq arnaıy komıssııanyń sheshimimen «qyzyl» jáne «sary» kategorııaly aımaqtarda 30 adamnan aspaıtyn saltanatty keshter men túrli toı rásimderin sanıtarlyq-gıgıenalyq talaptardy qatań saqtaı otyryp úıde ǵana ótkizýge ruqsat etilgen.