Ózbekstan Joǵarǵy sotynyń qyzmetkeri $10 myń para alyp jatqan jerinde ustaldy

Joǵarǵy sottyń qylmystyq ister jónindegi sot alqasynyń aǵa konsýltanty azamattan 10 myń AQSh dollaryn alyp jatqan jerinde ustaldy, dep habarlaıdy Kazinform Ózbekstan memlekettik qaýipsizdik qyzmetiniń baspasóz qyzmetine silteme jasap. 

Ol Joǵarǵy sottyń kassatsııalyq qaýlysymen qylmystyq isti Ferǵana oblystyq sotyna berý arqyly buryn sottalǵan 2 azamatty aqtap alýǵa kómektesemin dep ýáde bergen.

Taǵy bir jaǵdaıda Surhandarııa oblystyq sotynyń ekonomıkalyq ister jónindegi sot alqasy sýdıasynyń aǵa kómekshisi jergilikti kásipkerdiń senimine kirip, aryzyn sýdıalar arqyly oń sheship beremiz dep 6 myń AQSh dollaryn alǵan jerinde memlekettik qaýipsizdik qyzmetkerlerine ustaldy.

Jedel tergeý barysynda sýdıanyń aǵa kómekshisi burynǵy kásipkerdiń Termiz aýdanaralyq ekonomıkalyq sotyna bergen talap aryzy boıynsha oń sheshim shyǵarǵany úshin 2 myń AQSh dollaryn talap etip, 600 AQSh dollaryn alǵany belgili boldy.

Qazirgi tańda atalǵan tulǵalarǵa qatysty Ózbekstan Qylmystyq kodeksiniń 168, 28 jáne 211-baptary boıynsha qylmystyq is qozǵalyp, qamaýǵa alynǵan.