Ózbekstan jasandy ıntellektini qoldaný deńgeıi eń tómen elderdiń qataryna endi

TAShKENT. KAZINFORM — 2025 jyly Ózbekstan jasandy ıntellektti (JI) paıdalaný boıynsha álemdik reıtıngte 147 eldiń ishinde 141-orynǵa jaıǵasty, dep habarlaıdy Kazinform agenttiginiń menshikti tilshisi.

Microsoft kompanııasyna qarasty Ekonomıka jáne JI ınstıtýtynyń zertteýine sáıkes, elde jasandy ıntellektti paıdalaný deńgeıi — 6,3%. Bul kórsetkishpen Ózbekstan reıtıngte Sırııa men Shrı-Lankadan keıingi orynda tur. Odan keıin tizimde Tájikstan men Túrikmenstan jaıǵasqan.

Atalǵan ınstıtýttyń esebinde jazylǵandaı, Qazaqstanda jasandy ıntellektti qoldaný 13,7% deńgeıinde. Tıisinshe, elimiz álemdik reıtıngide 71-orynda.

Eske salaıyq, bıyl Ózbekstan jer silkinisin JI arqyly boljaýǵa kirisedi.

Buǵan deıin habarlaǵanymyzdaı, Ózbekstan úkimeti JI-di engize otyryp, 2 myńnan astam sheneýnikti jumystan bosatpaq.

Qosa ketsek, bıyldan bastap ózbekstandyq oqýshylarǵa jasandy ıntellekt negizderin oqytý josparlanyp otyr.

Sondaı-aq, Ózbekstan úkimeti jemqorlyqpen kúres úshin memlekettik satyp alý júıesine jasandy ıntellektti engizýdi josparlap otyr.