Ózbekstan jáne Túrikmenstanmen shekarada da elektrondy kezek júıesi engizilmek

ASTANA. QazAqparat – Aqpan aıynyń aıaǵyna deıin Qazaqstandaǵy tórt ótkizý beketinde elektrondy kezek júıesi engizilmek. Bul týraly QazAqparat Memlekettik kirister komıtetiniń baspasóz qyzmetine silteme jasap habarlaıdy.

Olardyń ekeýi – Qytaı shekarasyndaǵy «Baqty» (Abaı oblysy) jáne «Maıqapshaǵaı» (ShQO) beketi. «CarGoRuqsat» servısi «Baqty» beketinde 15 aqpannan, al «Maıqapshaǵaı» beketinde 20 aqpannan bastap iske qosylmaq.

Taǵy eki beket Mańǵystaýda oblysynda ornalasqan. «Temir-Baba» beketinde kezek 22 aqpanda, al «Tájen» beketinde 27 aqpanda engizilmek. Birinshisi Túrikmenstanmen, al ekinshisi Ózbekstanmen shekarada.

Buǵan deıin Qazaqstan-Qytaı shekarasyndaǵy «Dostyq», «Nur-Joly» ótkizý beketterinde elektrondy servıs engizilgen. Búginde júıe arqyly kezekti brondaý boıynsha 84 myń operatsııa oryndalyp, shamamen 7,5 myń paıdalanýshy tirkelgen.

Servısti jasap shyǵarýshylardyń aıtýynsha, júıe udaıy jetildirilip keledi. Jýyrda Face ID, ıaǵnı adamnyń kelbetin skanerlep tekserýmen tolyǵyp, sheteldik azamattar úshin bank kartasy arqyly rastaý qyzmeti iske qosylmaq.