Ózbekstan jáne Ázirbaıjan prezıdentteri Bakýde birikken málimdemege qol qoıady
TAShKENT. 10 qazan. QazAqparat - Ózbekstan Respýblıkasynyń Prezıdenti Islam Kárimov 2012 jyldyń 11-12 qazan kúnderi Ázirbaıjan Prezıdenti Ilham Álıevtiń shaqyrýy boıynsha Baký qalasyna resmı saparmen keledi.
«ÓzA» memlekettik aqparattyq agenttiginen habarlaǵandaı, joǵary deńgeıdegi kelissózder barysynda ekijaqty qarym-qatynastardy damytýdyń jaǵdaıy men bolashaǵyn talqylaý, kókeıkesti aımaqtyq jáne halyqaralyq máseleler boıynsha pikir almasý belgilengen.
Resmı sapardyń qorytyndylary boıynsha memleket basshylarynyń túrli salalardaǵy ózbekstandyq-ázirbaıjandyq yntymaqtastyǵyn odan ári tereńdetýge baǵyttalǵan Birikken málimdemege, birqatar basqa qujattarǵa qol qoıýy shamalanýda.
