Ózbekstan Jańa jyldan bas tartpaq
ASTANA. 25 jeltoqsan. QazAqparat - Ózbekstannyń mádenıet mınıstrligi eldiń barlyq teatrlaryna jańajyldyq basty keıipkerler Aıaz Ata men Aqshaqardy basqasha ataýdy usyndy.
Bul týraly tashkenttik teatrlardyń biriniń ártisi aıtty, dep habarlady Ýtro.rý.
Onyń málimetterinshe, akterlerge Aıaz Atany Juldyzdy Sıqyrshy, al Aqshaqardy - Juldyzdy Perızat dep ataý usynyldy. Mundaı tıisti usynys qarasha aıynda, tashkenttik teatrlar kórkemdik jetekshileriniń mádenıet jáne sport mınıstri Tursynalı Kýzıevpen ótken keńesinde berilgen syńaıly.
Budan buryn «Ýzmetronom» saıty bılik Jańa jylǵa arnalǵan ózbek telearnalarynda Aıaz Atany, Aqshaqardy, Mystan kempirdi jáne basqa da orys ertegileriniń keıipkerlerin kórsetpeýdi usynǵanyn habarlaǵan bolatyn. Sodan bir apta ótkennen keıin osy basylym, óziniń derekkózderine silteme jasaı otyryp, Tashkenttiń aýdandyq ákimshilikteriniń ákimderi (hokımder) jergilikti dámhanalar men meıramhanalardyń ıelerin jınap, olarǵa kez kelgen jeleýmen 31 jeltoqsanda ózderiniń mekemelerin jabýdy tabandy túrde usynǵan. BAQ-tyń habarlaýynsha, mundaı usynbalar ókimet oryndarynyń Jańa jyldy merekeleýden birte-birte bas tartý nıetinen týyndap otyr.
