Ózbekstan «Jańa Tashkent» halyqaralyq áýejaıynyń qurylysyn bastaıdy
ASTANA.KAZINFORM - «Jańa Tashkent» halyqaralyq áýejaıynyń qurylysy 2026 jyldyń maýsym aıynda bastalady dep josparlanǵan. Bul týraly Ózbekstan kólik mınıstriniń orynbasary Jasýrbek Chorıev Samarqandta ótken Azııa damý bankiniń jyl saıynǵy otyrysy aıasynda málimdedi, dep habarlaıdy gazeta.uz.
Jasýrbek Chorıev joba boıynsha memlekettik-jekemenshik seriktestik týraly kelisim sońǵy kezeńge aıaq basqanyn jáne mamyr aıynyń ortasyna deıin qol qoıylýy tıis ekenin habarlady. Ol kelisimge qol qoıylǵannan keıin úkimet qysqasha sholý usynatynyn, nátıjesinde joba maquldanyp, qurylys bastalatynyn aıtty.
- Biz maýsym aıynda «Jańa Tashkent» áýejaıynyń qurylysyn bastaımyz. Bul qazirdiń ózinde naqtylanǵan sheshim, - dedi ol.
«Jańa Tashkent» halyqaralyq áýejaıyn Tashkent oblysynda salý josparlanǵan. Joba 1300 gektar aýmaqqa josparlanǵan jáne 11 mıllıon jolaýshy qabyldaýǵa arnalǵan.
Jańa áýejaı salý týraly sheshim Tashkentke jolaýshylar aǵynynyń sońǵy segiz jylda úsh esege artyp, jylyna 9 mıllıon adamǵa jetkenine jáne 2040 jylǵa qaraı 24 mıllıonnan asatynyna baılanysty týyndady.
- Biz qazirgi áýejaıymyzdyń 2029 jylǵa qaraı tolyq qýatyna jetetinin túsinemiz. Sondyqtan biz ushaqtardy qabyldaý jáne jiberý syıymdylyǵy kem degende eki esege artatyn jańa áýejaı ashýymyz kerek, - dedi Chorıev.
Buǵan deıin Qyrǵyzstanda alǵash ret ushaq bortynda sán kórsetilimi ótkenin habarlaǵan edik.
