Ózbekstan jaqynnan urys júrgizýge arnalǵan reseılik zymyrandardy satyp almaqshy
TAShKENT. QazAqparat - Jaqynnan urys júrgizýge arnalǵan R-73E avıatsııalyq zymyranyn shyǵarýshy bolyp tabylatyn «Dýks» kásipornynyń bas dırektory ıÝrıı Klıshın «RIA Novostı» agenttigine bergen suhbatynda 2016 jyly bul zymyrandy Ózbekstanǵa satýdyń kelisimsharttary ornatylatynyn habarlady.
«2016 jyly biz ózara árekettesetin elderdiń tizimi bar, ıaǵnı jańa kelisimsharttar jasalady. Bul Qazaqstan, Ózbekstan, Kýba jáne basqa da elder. Másele júzdegen zymyran týraly bolyp otyr», - dedi Klıshın.
Ol árbir eldiń jóndeý jáne satyp alý boıynsha múmkindikteri, qarjy, ushaqtar sany boıynsha belgili bir shekteý bar ekenin atap ótti.
«Áýe-áýe» klasyndaǵy R-73 avıatsııalyq zymyrany áýede saǵatyna 2500 shaqyrymǵa deıingi jyldamdyqpen qozǵalyp kele jatqan nysandardy 5 metrden 20 shaqyrymǵa deıingi bıiktikte qırata alady. Zymyrandy ushyryp jiberýdiń maksımaldy qashyqtyǵy 30 shaqyrymdy quraıdy. R-73E lazerlik jáne radıojarylǵyshtarmen jabdyqtalýda. Zymyrannyń salmaǵy - 110 keli, uzyndyǵy - 2900 mıllımetr.
