Ózbekstan zeınetkerleri zeınetaqyny tólem kartasyna aýystyrýǵa qarsy
ASTANA. QazAqparat - Ózbekstannyń Sýrhandarııa oblysy, Denaý aýdanyndaǵy bir top zeınetkerdiń aýdandyq ákimshilik ǵımaraty aldynda zeınetaqyny plastıkalyq kartaǵa aýystyrmaı, qolma-qol berýdi talap etken vıdeosy ǵalamtorǵa tarap ketti. Bul týraly centralasian.org. jazdy.
Zeınetkerlerdiń aıtýynsha, plastıkalyq kartadan zeınetaqyny alǵanda 22-27 paıyz komıssııa alynady. Sol sebepti kóptegen zeınetker 3-4 aıdan beri zeınetaqylaryn ala almaı otyr. «Qolma-qol aqshany alý úshin olar bizden 20 myń sým alady», - dep shaǵymdandy zeınetkerlerdiń biri. "Meniń aty-jónim Boımýratov Namozbobo, jasym 80-nen asty. Qazir Denaý aýdanynyń ákimdiginiń aldynda turmyz. Plastıkalyq kartadan óz zeınetaqymyzdy ala almaımyz. Sondyqtan, barsha qarııa jıylyp, jergilikti bılikke keldik», - dedi qart.
Sondaı-aq, vıdeoda orta jastaǵy er adamnyń narazy zeınetkerlerden qashyp bara jatqanyn kórýge bolady. Zeınetkerlerdiń aıtýynsha, ol Denaý aýdanynyń ákimi.
