Ózbekstan ıadrolyq qaýipsizdik jónindegi halyqaralyq sharttarǵa qosylýǵa múddeli
TAShKENT. KAZINFORM - Ózbekstan prezıdenti Shavkat Mırzıeev ónerkásiptik, radıatsııalyq jáne ıadrolyq qaýipsizdik salasyndaǵy memlekettik baqylaý júıesin jetildirýge baǵyttalǵan jarlyqqa qol qoıdy, dep habarlaıdy Kazinform agenttiginiń menshikti tilshisi.
Qujat eldiń ıadrolyq qaýipsizdik salasyndaǵy birqatar halyqaralyq sharttarǵa qosylýy úshin daıyndyq bastaýǵa baǵyttalǵan.
- Ózbekstan Respýblıkasynyń qosylýy tıis ıadrolyq qaýipsizdik salasyndaǵy halyqaralyq sharttardyń tizbesi bekitilsin, - delingen Shavkat Mırzıeev qol qoıǵan jarlyqta.
Atap aıtqanda, Ózbekstan ıAdrolyq zalal úshin azamattyq jaýapkershilik týraly Vena konventsııasyna, ıAdrolyq nemese radıatsııalyq apat jaǵdaı kezindegi kómek konventsııasy men ıAdrolyq qaýipsizdik týraly konventsııaǵa qosylýǵa nıetti.
Eske salaıyq, Ózbekstan men AEHA atom energetıkasy salasyndaǵy yntymaqtastyqty nyǵaıtýǵa nıetti.
Buǵan deıin jazǵanymyzdaı, Ózbekstanda reseılik tehnologııa boıynsha óńirdegi alǵashqy az qýatty atom elektr stantsııasy salynady.
Taıaýda Ózbekstan men Reseı AES salý kelisimshartynyń kúshine ený hattamasyna qol qoıdy.
Munymen qatar, Ózbekstan men Qytaı shaǵyn ıadrolyq reaktorlardy qoldaný múmkindigin zerdelemek.