Ózbekstan úsh ónimniń elge ákelinýine tyıym saldy

ASTANA. KAZINFORM — Tehnıkalyq retteý ınspektsııasy Tashkent qalasyndaǵy «Órikzar» bazarynda satylatyn MOZER brendimen Qytaıda shyǵarylǵan shash keptirgish (fen) tekserildi, dep habarlaıdy ÓzA. 

Zerthanalyq zertteýler nátıjesinde ónimniń belgilengen standart talaptaryna sáıkes kelmeıtini anyqtaldy.

Atap aıtqanda, bul kásiporynnyń shash keptirgishteri qýattalǵan kezde oqshaýlaǵyshtyń qyzyp ketýi, janý jáne órt shyǵý múmkindigine baılanysty jabdyqtyń qyzmet etý merzimi qysqaratyny baıqaldy.

Sondaı-aq Qytaıda FABOL’AI brendimen óndirilgen 800 mıllıgramm kólemindegi jýynýǵa arnalǵan gel ónimi tekserildi.

Ónimniń úlgisi zerthanada tekserilip, standart talaptaryna sáıkes kelmeıtini anyqtaldy.

Bul jýynýǵa arnalǵan geldiń teris áserlerinen teriniń qyshýy, qyzarýy nemese allergııalyq reaktsııalary, teri tinderiniń qabynýy, tynys alý joldaryna teris áser etý, teriniń tabıǵı tepe-teńdiginiń buzylýy jatady, bul bakterııalyq nemese sańyraýqulaq aýrýlaryna ákelýi múmkin.

Sondaı-aq, Naýaı qalasyndaǵy dúkende satylǵan Qytaıda shyǵarylǵan «Soldering IRON» men «Epica STAR» útikteri tekserildi.

Nátıjeler ónimderdiń standart talaptaryna sáıkes kelmeıtinin jáne paıdalaný kezinde tutynýshylardyń ómirine qaýip tóndiretinin kórsetti.

Qadaǵalaý ınspektsııasynyń mamandary tutynýshylarǵa mundaı ónimdi satyp alý kezinde olardyń sertıfıkattary men qaýipsizdik belgilerine nazar aýdarýdy, sapasy kúmándi jabdyqty qoldanbaýdy usynady.

Eske sala keteıik, Ózbekstan bıligi 2030 jylǵa deıin kedeılik deńgeıin eki ese azaıtýǵa nıetti.