Ózbekstan Úndistan men Pákistan arasyndaǵy shıelenistiń órshýine alańdaýly
TAShKENT. KAZINFORM – Ózbek tarapy Úndistan men Pákistandy ustamdylyq tanytyp, jaǵdaıdy beıbit jolmen sheshýge shaqyrdy, dep habarlaıdy Kazinform agenttiginiń menshikti tilshisi.
— Ózbekstan Úndistan men Pákistan arasyndaǵy shıelenistiń órshý qaýipine alańdaýly. Eki tarapty da ustamdylyq tanytyp, jaǵdaıdyń odan ári ýshyǵyp ketýine jol bermeý maqsatynda dıplomatııalyq dıalog júrgizýge shaqyramyz. Ózbekstan jaǵdaıdy turaqtandyrýǵa jáne beıbit jolmen sheshýge baǵyttalǵan kez kelgen halyqaralyq nemese aımaqtyq bastamalardy qoldaýǵa daıyn, — delingen Ózbekstan Syrtqy ister mınıstrliginiń habarlamasynda.
Qosa ketsek, buǵan deıin SІM Úndistan men Pákistan arasyndaǵy jaǵdaıdyń shıelenisýine baılanysty málimdeme jasaǵan edi.
Eske sala ketsek, 22 sáýirde qarýly adamdar Djammý men Kashmır odaǵy aýmaǵyndaǵy áıgili týrıstik qala — Pahalgamda terrorlyq shabýyl jasaǵan bolatyn. Áskerı kıim kıgen adamdar avtomattarmen oq jaýdyrǵan, 25 úndi azamaty men 1 nepaldyq qaza tapty. Qylmyskerler oqıǵa ornynan qashyp úlgergen.
Úndistan Pahalgamdaǵy teraktiden keıin Pákistanǵa qarsy sharalar jarııalady.
Úndistan men Pákistan soqqylaryn kúsheıte tústi.