Ózbekstan ulttyq ınnovatsııalyq densaýlyq saqtaý palatasyn qurmaq
TAShKENT. QazAqparat - Ózbekstan prezıdenti Shavkat Mırzıeev «Ózbekstanda densaýlyq saqtaýdy basqarýdyń ınnovatsııalyq modelin engizý sharalary týraly» qaýly qabyldady, dep habarlaıdy ÓzA agenttigi.
Ózbekstan prezıdenti Densaýlyq saqtaý mınıstrligie qarasty Qoǵam densaýlyǵy jáne densaýlyq saqtaýdy uıymdastyrý ǵylymı-zertteý ınstıtýtynyń bazasynda ulttyq ınnovatsııalyq densaýlyq saqtaý palatasyn qurýdy tapsyrdy. Palatanyń Qaraqalpaqstanda, oblystarda jáne Tashkent qalasynda qurylymdyq bólimsheleri bolady.
Jańa qurylymnyń aldyna respýblıka densaýlyq saqtaý júıesin damytý strategııasyn ázirleý, eldegi dárigerler men provızorlardy tirkeý júıesin engizý, kópshiliktiń qoly jetetin biryńǵaı elektrondy derekter bazasyn qurý, medıtsınalyq jáne farmatsevtıkalyq uıymdardy jabdyqtaýǵa qarajat tartý sııaqty mindetter qoıylyp otyr.
Ózbekstan prezıdenti 2020 jylǵy 31 jeltoqsanǵa deıin dárigerler men provızorlardy tirkeý júıesin engizip, olardyń jalpyǵa qoljetimdi biryńǵaı elektrondy derekter bazasyn iske qosýdy tapsyrdy. 2021 jylǵy 1 qańtardan bastap Ulttyq palata tirkeýden ótpegen dárigerler men provızorlardyń qyzmet júrgizýine tyıym salady.
