Ózbekstan ulttyq aqparat agenttigine jańa basshy taǵaıyndaldy
ASTANA. QazAqparat - Ózbekstan Ulttyq aqparat agenttiginiń bas dırektory bolyp Abdýsaıd Kýchımov taǵaıyndaldy, dep habarlaıdy Kabar.
Abdýsaıd Kýchımov - aqyn ári jazýshy. Ol 1951 jyly dúnıege kelgen. Nızamı atyndaǵy Tashkent memlekettik pedagogıkalyq ınstıtýtyn ózbek tili jáne ádebıeti mamandyǵy boıynsha támamdaǵan. 1997-2005 jyldary Ózbekstan Ulttyq arnasyn basqarǵan. 2006 jyldan bastap Aqparattyq tehnologııa jáne kommýnıkatsııany damytý mınıstrliginiń «Habar» gazetinde bas redaktor boldy.
Kýchımovqa deıin Ulttyq aqparat agenttiginiń basshysy bolǵan Mamatkýl Hazretkýlov Ózbekstan agenttigin 2001 jyldan basqarǵan. Ol Ózbekstan Prezıdenti apparatynda buqaralyq aqparat quraldary máseleleri boıynsha sektor meńgerýshisi bolyp aýysty.
