Ózbekstan úkimeti JI-di engize otyryp, 2 myńnan astam sheneýnikti jumystan bosatpaq

TAShKENT. KAZINFORM – Ózbekstan prezıdenti Shavkat Mırzıeev «Tsıfrlandyrý esebinen respýblıkalyq atqarýshy bılik organdaryndaǵy basshylyq shtatty qysqartý týraly» Jarlyqqa qol qoıdy, dep habarlaıdy Kazinform agenttiginiń menshikti tilshisi.

Qujatta jazylǵandaı, 1 qarashadan bastap atqarýshy bılik organdarynda basshy laýazymyn ıelenip otyrǵan 2 141 qyzmetkerdiń shtaty qysqaryp, olardyń mindeti engizilip jatqan jasandy ıntellektige júkteledi.

Atap aıtqanda, Salyq komıteti (498 adam), Sý sharýashylyǵy mınıstrligi (224 adam), Aýyl sharýashylyǵy mınıstrligi (218 adam), Ádilet mınıstrligi (197 adam) Ekologııa mınıstrligi (176 adam), Jumyspen qamtý jáne kedeılikti qysqartý mınıstrlikteriniń (163 adam) mamandary jumystan bosatylady.

Oǵan qosa, komıtet, agenttik jáne ınspektsııa basshysynyń orynbasary laýazymdary joıylady. Qysqartýdan keıin memlekettik organdardaǵy basqarýshylyq quramynyń sany 46 989 adam bolmaq.

Buǵan deıin habarlaǵanymyzdaı, 2026 jyldan bastap ózbekstandyq oqýshylarǵa jasandy ıntellekt negizderin oqytý josparlanyp otyr.

Sondaı-aq Ózbekstan úkimeti jemqorlyqpen kúres úshin memlekettik satyp alý júıesine jasandy ıntellektini engizýdi josparlap otyr.