Ózbekstan úkimeti qaladaǵy iri kásiporyndardy shet aımaqtarǵa kóshiredi

TAShKENT. KAZINFORM — Ózbekstannyń iri qalalarynda qorshaǵan ortaǵa zalal keltiretin kásiporyndardy ashýǵa tyıym salynady, dep habarlaıdy Kazinform agenttiginiń menshikti tilshisi.

Tıisti jarlyqqa Ózbekstan basshysy Shavkat Mırzıeev qol qoıdy.

Qujatqa sáıkes, 1 mamyrdan bastap iri qalalar men oblys ortalyqtarynda asbest, tsement, teri ıleý jáne qus fabrıkalary, metallýrgııa zaýyttary men hımııalyq taýar óndirisin ashýǵa tyıym salynady.

Sonymen qatar, 1 qazanǵa deıin Ózbekstan úkimeti Tashkent pen Núkis qalalarynda ornalasqan ekologııaǵa aıtarlyqtaı zalal keltiretin jáne elektr energııasyn kóp kólemde tutynatyn kásiporyndardy birtindep kóshirý josparyn ázirleıdi.

Ekologııa mınıstrliginen málim etkendeı, Tashkent pen Núkiste jáne oblys ortalyqtaryndaǵy zııandy óndiristerdi alys aımaqtarǵa kóshirý ekologııalyq ahýaldy jaqsartýǵa yqpal etedi.

Eske salsaq, bıyl Ózbekstan «jasyl» energııa kózderiniń úlesin 26%-ǵa jetkizbek.