Ózbekstan úkimetin Abdýlla Arıpov basqarady
ASTANA. QazAqparat - Abdýlla Arıpov Ózbekstan Premeri bolyp taǵaıyndaldy, dep jazdy gazeta.uz.
Olıı Májilistiń birlesken otyrysynda Ózbekstan premer-mınıstri laýazymyna kandıdatýra bekitý máselesi qaraldy. Prezıdent Shavkat Mırzıeev parlamentke premer-mınıstr orynbasary bolǵan Abdýlla Nyǵmetuly Arıpovtyń kandıdatýrasyn usyndy.
Abdýlla Arıpov taıaýdaǵy jáne uzaq merzimdi keleshektegi Mınıstrler kabınetiniń is-qımyly baǵdarlamasymen shyqty. Sóz sóılegen ózge de depýtattar men senatorlar memleket basshysy usynǵan kandıdatýrany qoldaıtynyn aıtty. Senat pen Zań shyǵarýshy palata Abdýlla Arıpovty Ózbekstan premer-mınıstri laýazymyna taǵaıyndaý týraly qaýly qabyldady.
Abdýlla Arıpov (1961 jyly týǵan) 2002 jyldyń mamyr aıynan 2012 jyldyń tamyzynan deıin, 10 jyldan astam ýaqyt vıtse-premer bolyp qyzmet etken. Qosymsha 2005-2009 jyldary Ózbekstan baılanys jáne aqparattandyrý agenttigin basqarǵan. Bıylǵy qyrkúıek aıynda A.Arıpov qaıtadan premer-mınıstr orynbasary jáne Jastar saıasaty, mádenıet, aqparattyq júıeler men telekommýnıkatsııa kesheniniń jetekshisi bolyp taǵaıyndaldy.
