Ózbekstan úkimeti otstavkaǵa ketti
TAShKENT. QazAqparat – Ózbekstan úkimeti tolyq quramda eldiń jańa Olıı Majlısi (parlament) aldynda óz ókildigin toqtatty. Bul týraly QazAqparattyń menshikti tilshisi Ózbekstan parlamentiniń zań shyǵarýshy palatasynyń baspasóz qyzmetine silteme jasap.
Atap aıtqanda, parlamenttiń tómengi zań shyǵarý palatasynyń birinshi otyrysynyń qorytyndysy boıynsha Ózbekstan úkimetiniń óz ókildigin toqtatyny týraly ótinishi qabyldandy. Mundaı ótinish Senatqa da túsken edi, ol qanaǵattandyryldy.
«Ózbekstan Respýblıkasy Konstıtýtsııasynyń 98-babyna sáıkes, Ózbekstannyń mınıstrler kabıneti jańa saılanǵan Olıı Majlıske ókildigin toqtatyny týraly ótinish bildirdi. Ózbekstan Respýblıkasynyń Olıı Majlısiniń zań shyǵarýshy palatasy sáıkes qaýlyny qabyldady», - dep atap ótti parlamenttiń baspasóz qyzmetinen.
Baspasóz qyzmeti konstıtýtsııaǵa sáıkes, úkimet kabmınniń jańa quramy qurylǵanǵa deıin óz jumysyn jalǵastyratynyn naqtylady.
Sonymen qatar, parlament 21 qańtarda ótetin eki palatanyń birlesken otyrysynda jańa premerdiń kandıdatýrasyn qaraıdy, dep habarlady zań shyǵarý palatasynyń baspasóz qyzmeti.
Eske salaıyq, Ózbekstan konstıtýtsııasyna sáıkes, premerdiń kandıdatýrasyn parlamenttiń zań shyǵarýshy (tómengi) palatasynda eń kóp depýtattyq oryn jınaǵan partııa usynady. 2019 jyldyń 22 jeltoqsanynda bolǵan saılaý qorytyndysy boıynsha Ózbekstan lıberaldyq-demokratııalyq partııasy eń kóp oryn - 53 depýtattyq oryn aldy.
