Ózbekstan úkimeti COVID-19 vırýsyna qarsy vaktsına alý múmkindikterin qarastyrady

TAShKENT. QazAqparat – Ózbekstan prezıdenti Shavkat Mırzıeev bir aptalyq merzimde COVID-19 vırýsyna qarsy vaktsına satyp alý múmkindikterin qarastyrýdy tapsyrdy. Bul týraly QazAqparat Ózbekstan Respýblıkasy prezıdentiniń baspasóz qyzmetine silteme jasap habarlaıdy.

Elde koronavırýs indetiniń taraýyna jol bermeý boıynsha selektorlyq otyrys barysynda Ózbekstan prezıdenti birqatar elde koronavırýsqa qarsy dárini izdeý boıynsha qarqyndy zertteý jumystary júrgizilip, Reseı, Qytaı, Úndistan jáne Ulybrıtanııada olardyń óndiriletini kútilip otyrǵanyn atap ótti.

Osyǵan balanysty, ÓR premer-mınıstriniń orynbasary Behzod Musaevqa bir aptalyq merzimde vaktsınalardy satyp alyp, jetekshi ǵalymdar, tájirıbeli dárigerlermen keńesip, Ózbekstan turǵyndaryna ekpe jasaý múmkindikterin qarastyrý tapsyrylǵan.

Eske sala ketsek, búginde Ózbekstanda koronavırýsqa shaldyǵýdyń 26 804 oqıǵasy tirkelgen, 17 838 adam jazylyp shyqty.

Densaýlyq saqtaý mınıstrliginiń málimetinshe, COVID-19 dıagnozy qoıylǵan 163 adam qaıtys bolǵan.

Mıras Qýandyqov